幫友好出版社推介一下：
小編今日先睹為快，確係好書一本。
支持本地創作的話，請買本睇下，一定唔會失望。小編M人格擔保。^^
本館2016重點之作：《神探包青天》（暱稱《包包》）
1. 本書集合兩個創作型男的心血：文字～凌偉駿，正向電影編劇電影創作的偉大航道進發中；繪圖～著名兒童插畫大師余遠鍠～構圖、繪畫都出盡十二成功力。加上主編余兒～有份傾注20年+的漫畫編劇功力，雖然是兒童書，但三個都好認真咁撞橋、踢橋、彈橋，諗通諗透至落筆。還有封面設計faminik+內文設計siuhung，都花咗好多心思。
2. 籌備經年：由一開始，製作單位坐埋一齊決定拍板做，到今日成書，已經超過一年喇！
3. 書最後有附錄，教文學、教詩詞、教成語。
4. 啱男仔睇更啱女仔睇，因為裡面有《流星花園》般的情節，四大名捕就係F4！你亦可以話似偶像劇《步步驚心》>好多個型男群星拱照娘娘包青青（包包個寶貝囡）！
5. 何家勁.....唔係，展昭大概會喺第三期出現。
6. 適合年齡：大概係幼稚園生到高小啦！
7. 書應該在中秋節前外在各大書局見街，如果打風可能遲少少。
詳情：goo.gl/bP2w24
睇過覺得有誠意的話，請幫share。支持本地創作嘛！
#神探包青天 #包包 #包包是隻鐵面無私的熊貓 #創造館 #知識館叢書 #唔買就狗頭鍘侍候 #偶像劇般的劇情啱晒小男孩小女孩
余兒 Beavis Yu Ryan Ling Faminik Siü Hüng
Search